Magtatagalog ako kasi sobrang naiinis at nalulungkot na talaga ako. Itong mga nakaraang araw, hindi ko talaga maiwasang lubos na uminit ang ulo. Kasi naman, yung mga taong sumususod ay parang ipinanganak na sadyang sagabal sa buhay ng ibang tao, lalo na sa akin.


Sa unang tao, naiinis ako sa iyo dahil napaka unfair mo. Ayoko na magbigay ng detalyadong explanasyon kung bakit ka unfair kasi mahahalata na kung sino ka, at baka kung anu-ano pa masabi mo kung nabasa mo 'to. Ang masasabi ko lang sa 'yo, you're suck-ups on me won't work anymore after what you did. Kung mayroon akong alam na salitang isang daang beses na mas grabe pa sa "nakakairita", inireserba ko na yung titulong iyon para sa iyo. Iyong-iyo na talaga yun, wala kang kaagaw.

Sa pangalawang tao, iniwan ko sa iyo itong responsibilidad na ito dahil alam mong nung huling linggo pa ako sobrang daming ginagawa. Busy, ika nga. Pero anong nangyari? Bakit ako pa rin gumagawa ng dapat mong inasikaso? May sakit na ako't lahat lahat, pero bakit wala ka namang initiative? Magkapakita ka naman ng pakialam kahit minsan. Hindi ka mamamatay, pangako.

Sa pangatlong tao, isarado mo na yang bibig mo. I-mighty bond mo kung kailangan.

Sa pang-apat na tao, wag kang magmarunong sa mga mas nakakaalam, pwede ba? Akala ko pa naman magiging okey tingin ko sa 'yo. Alam kong natutuwa tayo sa kumpanya ng isa't-isa, pero sana hindi mo makalimutan ang pagiging professional. May mga hangganan na di mo dapat sinusubukang laktawan kasi baka mapakahamak ka lang. Wag mong ubusin pasensya ng ibang tao, dahil meron pang mas grabe ang inis sa iyo kaysa sa akin.

Sa panlimang tao, hindi kita susuportahan hangga't di mo pinapakita sa akin na karapat-dapat ka para dun. Marami ka nang taong ininis, sa tingin mo ba sila kami pa ang may sala dun? Gamitin mo naman utak mo, yung totoong gamit ah. Alam kong alam mo ibig kong sabihin. Sana naman yung mga desisyon mo ay nakaktulong talaga, hindi yung ikasasama ng loob ng marami.

Sa pang-anim na tao, hindi ba't kung gusto yun ng kaibigan mo at alam mong di naman makakasama sa kanya ito, dapat di mo siya pinamumukhang bobo sa mga gusto niya? Ano bang problema mo ha? Baguhin mo nga yang paghusga mo... Tuwang-tuwa yung tao sa nangyari tapos pagtatawanan mo ang nangyari. Maging kaibigan ka naman.

Sa pampitong tao, ang tanga mo, sa totoo lang.

At sa pangwalong tao, alam kong higit pa sa kampante ka sa sarili mong ugali at istilo, pero wag mo mamasamain kung sabihin ko sa 'yo na wag kang B.I. please.


Hindi ako sugudera at bihira lang akong magwala ng ganito, pero masama ako magalit. Inaamin ko ring duwag ako dahil kahit kailan, di ko magagawang sabihin ang mga kakalimbag ko lamang dito. Sa mga makakabasa nito, wag kayo masyadong mag-isip, dahil kung tutuusin, napakageneral ng nakalagay dito. Pero kung may natatamaan, aba, sinasabi ko nang baguhin niyo na yan kasi baka mamaya kayo talaga tinitira ko. At kung may nakakabasa diyan na pakiramdam nila'y hindi sila yung pinapatamaan pero sila naman talaga, bahala ka sa buhay mo.

Pesensya na, talagang di ko na talaga macontain ang galit ko eh. Umuulan pa, talaga naman oh. Lalo tuloy nakakadepress. Salamat, inang kalikasan.